OTISH FRAKSIYASI TURLICHA BO‘LGAN 2-TUR QANDLI DIABET VA YURAK ISHEMIK KASALLIGI BILAN OG‘RIGAN BEMORLARDA GLIKIRLANGAN GEMOGLOBINNING MAQSADLI DARAJALARIGA ERISHISHDA O‘RGANILAYOTGAN PARAMETRLARNING ROLI

2-tur qandli diabet yurak-qon tomir asoratlari, jumladan, yurak yetishmovchiligi rivojlanishining yetakchi xavf omillaridan biridir. 2-tur qandli diabetli bemorlarda yurak yetishmovchiligi uglevod almashinuvi buzilmagan shaxslarga nisbatan ko‘proq rivojlanadi va prognozi kamroq qulay bo‘ladi. 2-tur qandli diabetdagi metabolik buzilishlar aterosklerozning kuchayishi, endotelial disfunksiya va miokard zararlanishiga olib keladi. Glikirlangan gemoglobin (HbA1c) darajasi uglevod almashinuvi kompensatsiyasining muhim ko‘rsatkichi hisoblanadi va yurak yetishmovchiligi rivojlanish xavfi bilan bog‘liq. Tadqiqotlar ma’lumotlariga ko‘ra, HbA1c darajasining pasayishi yurak yetishmovchiligi rivojlanish ehtimolining kamayishi bilan kechadi, HbA1c o‘zgaruvchanligi esa 2-tur qandli diabetli bemorlarda makrovaskulyar asoratlar va o‘lim xavfining oshishi bilan bog‘liq. Shu bilan birga, yurak yetishmovchiligida HbA1c darajasi va klinik-instrumental ko‘rsatkichlar o‘rtasidagi bog‘liqlik yetarlicha o‘rganilmagan.